شارك الشاعر السعودي منصور البطي بقصيدة على إثر انطلاق مناورات "سيف عبد الله" التي تجريها المملكة حالياً، والتي وصفت بالمناورة الأضخم، بعد أن شارك فيها أكثر من 130 ألف جندي من جميع أفرع وأطقم القطاعات العسكرية وبمئات من أحدث الطائرات القتالية المختلفة، في تدريبات تشارك فيها قوات الجيش والحرس الوطني والداخلية.
وجاءت أبيات قصيدة "يا حاسدٍ عيني على لذة النوم" كالتالي:
يا حاسدٍ عيني على لذة النوم
وشلون لو تدري وش الله عطاني
الله عطاني دار عادات وسلوم
دايم الاول دوم مانيب ثاني
في ديرتي تطغي الشهامه على القوم
أنا سعودي وأسمي اللي زهاني
دار الأمان ولا حصل أي ملزوم
تلقى رجالٍ ماتعرف التواني
ذولا رجال الأمن والأمر محسوم
رمز الشجاعه والفخر والتفاني
فيهم على أية شر أقدام وعزوم
من عزمهم حسيت عشت بأماني
اللي بجوفه شر لا شك ملطوم
يلقى دروعٍ بالليالي تحماني
اللي نوانا بشر معدوم معدوم
خذ العلوم وخذ عليها ضماني
أشهد لهم بالأمس واشهد بهاليوم
شفته أنا اللي شفت شيٍ كفاني
يوم الرمك ثار والوضع مشؤم
جتله رجالٍ بالمواقف تباني
يشهد لها الخفجي على دايم الدوم
فيها العدو قد ذاق مر الهواني
عدونا برجالنا صار مهزوم
انهو لنا الوضع الخطير بثواني
يا حاسدٍ عيني على لذة النوم
أنا أحمد الله يوم ربي عطاني